Psalmus 122.

De erigenda mente in Deum tempore tribulationis.

 

Ad te levávi óculos meos, * qui hábitas in cœlis.

 

Ecce sicut óculi servórum, * in mánibus dominórum suórum,

 

Sicut óculi ancíllæ in mánibus dóminæ suæ : * ita óculi nostri ad Dóminum Deum nostrum donec misereátur nostri.

 

Miserére nostri Dómine, miserére nostri : * quia multum repléti sumus despectióne :

 

Quia multum repléta est ánima nostra : * oppróbrium abundántibus, et despéctio supérbis.