Psalmus 124.
De firma spe et
confidentia in Domino semper habenda.
Qui
confídunt in Dómino, sicut mons Sion : * non commovébitur in ætérnum, qui
hábitat in Jerúsalem.
Montes in
circúitu ejus : † et Dóminus in circúitu pópuli sui, * ex hoc nunc et usque in
sæculum.
Quia non
relínquet Dóminus virgam peccatórum super sortem justórum : * ut non exténdant
justi ad iniquitátem manus suas.
Bénefac
Dómine bonis, * et rectis corde.
Declinántes
autem in obligatiónes, addúcet Dóminus cum operántibus iniquitátem : * pax
super Israël.