Psalmus 129.

De clamore pœnitentis pro liberatione a peccatis.

 

De profúndis clamávi ad te Dómine : * Dómine exáudi vocem meam :

 

Fiant aures tuæ intendéntes, * in vocem deprecatiónis meæ.

 

Si iniquitátes observáveris Dómine : * Dómine, quis sustinébit ?

 

Quia apud te propitiátio est : * et propter legem tuam sustínui te Dómine.

 

Sustínuit ánima mea in verbo ejus : * sperávit ánima mea in Dómino.

 

A custódia matutína usque ad noctem : * speret Israël in Dómino.

 

Quia apud Dóminum misericórdia : * et copiósa apud eum redémptio.

 

Et ipse rédimet Israël, * ex ómnibus iniquitátibus ejus.